Euskara gure eskualdeko hizkuntza propioa da, bertakoa. Horretaz gain, legeak hala aitortuta, hizkuntza ofiziala ere bada. Horri gehitzen baldin badiogu gure herriotako herritarren artean euskararekiko atxikimendua handia eta indartsua dela, bistakoa da herri erakundeek ere, gure eskualdeko udalek alegia, euskararen aldeko konpromisoarekin eta borondatearekin bat egin behar dutela.

Konpromiso horren emaitza da, hain zuzen ere, Nafarroako Iparraldeko Euskara Mankomunitatea. Herri erakunde hori da euskararen normalizazioan esku hartzeko eta hizkuntza politika espezifikoa egiteko udalek sortutako bitartekoa.