Euskarazko Produktuen Katalogoan euskaraz argitaratzen diren produktu egokienak eta haien inguruko informazioa –argitaletxea, prezio tartea…– jasotzen dira, etxeko haur eta gaztetxoek euskaraz jolasteko, ikasteko, irakurtzeko edo gozatzeko aukera izan dezaten. Katalogoa zortzi ataletan banatuta dago: musika, DVD filmak, informatika eta app-ak, aldizkariak, komikiak, liburuak, jostailu eta jokoak eta gurasoentzako materiala; gainera, zenbait ataletan adinaren araberako banaketa ere egiten da. 130.000 ale inguru banatzen dira Euskal Herri osoan.
